All posts by Phouthasone

ບົດສຳພາດຜູ້ເຂົ້າຮ່ວມ TPAM 2018 (ຜູ້ທີ 2)

ຜ່ານການສຳພາດ ທ. ວຽງນະຄອນ ໄຊຍະສອນ ຫຼື ປ໊ຽກ ຫຼັງການເຂົ້າຮ່ວມງານ TPAM 2018  ຄັ້ງນີ້ໄດ້ໃຫ້ຄຳຄິດເຫັນ ຄື:

  1. ໄດ້ໄປເຂົ້າຮ່ວມງານຢູ່ເມືອງໃດແດ່?
    ຕອບ: ຕົນເອງໄດ້ໄປເຂົ້າຮ່ວມງານຄັ້ງນີ້ດ້ວຍການໄປທີ່ສະຕູດີໂອ BankArt Studio, KAAT Kanagawa theatre, YCC Yokohama Creativecity Center ທີ່ເມືອງ ໂຢໂກຮາມາ ແລະ ເມືອງ ນາກາ ເມກຸໂຣ, ຊິບຸຍະ, ທີ່ ໂຕກຽວ
  2. ໃນງານໄດ້ພົບກັບໃຜແດ່? ແລະ ໄດ້ມີໂອກາດ ທີ່ຈະຮ່ວມມືກັບຜູ້ເຂົ້າຮ່ວມໃດແດ່ໃນອະນາຄົດ?
    ຕອບ: ໄດ້ພົບກັບຫຼາຍຄົນບໍ່ວ່າຈະເປັນຜູ້ຜະລິດ ແລະ ຜູ້ອຳນວຍການຜະລິດງານຈາກ ບັນດາປະເທດເຊັ່ນ:ເຢຍລະມັນ, ຝຣັ່ງ, ໃຕ້ຫວັນ, ປະເທດໃນກຸ່ມອາຊ້ຽນ. ຍິ່ງກວ່ານັ້ນ ກໍ່ໄດ້ພົບກັບນັກຮ່ວມອາຊີບ ຫວຽດນາມ ແລະ ຟິລິບປິນ ຊຶ່ງພວກເຮົາກໍໄດ້ເປັນເຈົ້າພາບເປີດໂຕະປະຊຸມນຳກັນຊື່ວ່າ: New Trend of Dance in Laos and Vietnam ກໍໄດ້ປຶກສາຫາລືມີແຜນທີ່ຈະໄປແລກປ່ຽນກ່ຽວກັບ ການສະແດງການເຕັ້ນ Street Dance ປະສົມຮ່ວມກັນກັບ CheerDance ແລະ ເລື່ອງການຜະລິດໂປຮເຈັກ.
  3. ຄິດວ່າປະສົບການທີ່ໄດ້ຮັບຈາກ ການຮ່ວມງານໃນຄັ້ງນີ້ຕົນເອງຈະເອົາມາພັດທະນາ ກັບການເຕັ້ນໃນລາວແນວໃດ?
    ຕອບ: ຫຼັງຈາກການເຂົ້າຮ່ວມງານTPAM ຕົນເອງໄດ້ຮຽນຮູ້ວິທີການສະແດງເພີ່ມຂື້ນເຊັ່ນ:ການເຮັດວຽກກ່ຽວກັບການເຕັ້ນເພາະວ່າການເຂົ້າຮ່ວມຄັ້ງນີ້ ຂ້າພະເຈົ້າເອງໄດ້ພົບກັບ ນັກເຕັ້ນຄົນຍີ່ປຸ່ນຊື່ ທ່ານ ອາກິໂກະ ແລະ ນັກອອກແບບທ່າເຕັ້ນຈາກ ໂອດສະຕາລີ ຊຶ່ງລາວໄດ້ແນະນຳ ແລະ ອະທິບາຍວິທີການເຮັດການສະແດງ, ແນວທາງການເຕັິ້ນແບບ ສະຕຣີດແດນປະສົມ ຄອນເທັມພໍແລລີ້ ທີ່ສ່ອງແສງກ່ຽວກັບການດຳລົງຊີວິດຈິງໃນສັງຄົມ.
  4. ສິ່ງທີ່ ປ໊ຽກປະທັບໃຈທີ່ສຸດໃນໄລຍະທີ່ຢູ່ຍີ່ປຸ່ນແມ່ນຫຍັງ?
    ຕອບ: ຍີ່ປຸ່ນເປັນປະເທດທີ່ຮັກສາຄວາມສະອາດຫຼາຍ, ມີຄວາມເຄົາລົບສຸພາບຮຽບຮ້ອຍ,ເປັນຄົນມີນ້ຳໃຈ, ລະບຽບສັງຄົມ, ອາຫານຕ່າງໆລ້ວນແຕ່ເຮັດໃຫ້ ຂ້າພະເຈົ້າຮູ້ສຶກປະທັບ ໃຈໂດຍສະເພາະ ແມ່ນຄົນຍີ່ປຸ່ນທີ່ໃຫ້ການຊ່ວຍເຫຼືອບໍ່ວ່າຈະເປັນການແນະນຳທາງ, ການບໍລິການ ແລະ ການເຮັດກິດຈະກຳຕ່າງໆ.
  5. ຖ້າມີໂອກາດໜ້າ ຕົນເອງຢາກເຂົ້າຮ່ວມງານອີກບໍ? ແລະ ຢາກເຂົ້າຮ່ວມໃນລັກສະນະງານແນວໃດ?
    ຕອບ: ເຈົ້າ, ຖ້າມີໂອກາດກໍ່ຢາກຮ່ວມງານນີ້ອີກ. ສຳລັບໂອກາດໜ້າຢາກປະກອບສ່ວນໃນການ ຮ່ວມການສະແດງເທິງເວທີ ເພື່ອເຜີຍແຜ່ລັກສະນະຮູບແບບການເຕັ້ນຂອງຕົນເອງ ແລະ ວຽນຈັນ ສະຕູດີໂອ.
  6. ປ໊ຽກຈະໃຫ້ຄຳແນະນຳ ແນວໃດສຳລັບ ຜູ້ທີ່ຈະເຂົ້າຮ່ວມງານ ໃນຄັ້ງໜ້າຄວນກະກຽມຫຍັງແດ່?
    ຕອບ:  ສິ່ງທີ່ຄວນກະກຽມຫຼັກໆມີຄື:

– ສຳລັບພາສາອັງກິດຖ້າຈະດີແທ້ຄວນມີຄວາມຮູ້ດ້ານພາສາອັງກິດໃນລະດັບທີ່ດີຫຼາຍເພາະຈະໄດ້ເຮັດວຽກກຸ່ມກັບຫຼາຍປະເທດ ພ້ອມທັງຟັງການບັນລະຍາຍຕ່າງໆ.
– ອ່ານລາຍລະອຽດ ແລະ ສຶກສາເນື້ອໃນຂອງງານ TPAMໃຫ້ດີກ່ອນເຂົ້າຮ່ວມ,ຖ້າມີໂອກາດໄດ້ໂຊກໍ່ຄວນໄປຮ່ວມຍິ່ງດີ, ລວມທັງເອົານາມບັດຕິດໂຕໄປນຳ.
– ການແຕ່ງຕົວແບບສະບາຍ ແຕ່ຕ້ອງສຶກສາອາກາດໃນລະດູນັ້ນວ່າຄວນ ເອົາເສື້ອຜ້າແນວໃດໄປຈິ່ງເໝາະສົມ.
– ການເດີນທາງໄປໃສມາໃສຄວນສຶກສາເສັ້ນທາງໃຫ້ລະອຽດ.

 

 

ບົດສຳພາດຜູ້ເຂົ້າຮ່ວມ TPAM 2018 (ຜູ້ທີ 1)

ສຳລັບການຈັດງານ TPAM 2018 ຫຼື Tokyo Performing Art Meeting 2018 (ກອງປະຊຸມສິນລະປະການສະແດງໂຕກຽວ) ທີ່ເມືອງໂຢໂກຮ່າມ້າ ປະເທດຍີ່ປຸ່ນ ຕັ້ງແຕ່ ວັນທີ 8 – 18 ເດືອນ 2 ປີ 2018 ທີ່ຜ່ານມາ ໄດ້ມີຕົວແທນຈາກປະເທດລາວທີ່ມາຈາກສະມາຄົມ ລາວ-ບັ້ງໄຟ ທັງໝົດ 2 ທ່ານ ໄດ້ຖືກຄັດເລືອກເຂົ້າຮ່ວມງານດັ່ງກ່າວ ຊຶ່ງມີລາຍຊື່ລຸ່ມນີ້:

  1. ທ່ານ. ນາງ ທິບເກສອນ ຫຼວງລາດ (ທິບ) , ອາຊີບ: ຜູ້ຈັດການ, ນັກອອກແບບທ່າເຕັ້ນ, ຜູ້ຜະລິດ
  2. ທ່ານ. ວຽງນະຄອນ ໄຊຍະສອນ (ປ໊ຽກ) , ອາຊີບ: ຜູ້ຈັດການ, ຄູສອນເຕັ້ນ, ນັກອອກແບບທ່າເຕັ້ນ
    ຫຼັງຈາກທີ່ ທັງ 2 ທ່ານ ໄດ້ໄປເຂົ້າຮ່ວມງານຄັ້ງນີ້. ຈິ່ງຂໍບອກກ່າວປະສົບການຕ່າງໆທີ່ໄດ້ພົບມາດັ່ງລຸ່ມນີ້:
    –  ບົດສຳພາດຜູ້ທີ່ 1.  ທ່ານ. ນາງ ທິບເກສອນ ຫຼວງລາດ (ທິບ)

    1. ໄດ້ໄປເຂົ້າຮ່ວມງານຢູ່ເມືອງໃດແດ່?
      ສ່ວນໃຫ່ຍແລ້ວກໍ່ໄດ້ຮັບໂອກາດໄປເຂົ້າຮ່ວມງານຢູ່ເມືອງ Yokohama ສະຖານທີ່ແມ່ນBankart Studio NYK ພ້ອມຍັງຫາໂອກາດໄປເບີ່ງໂຊການສະແດງທີ່ KAAT Kanagawa arts theatre ແລະ Yokohama Creativecity Center (YCC).
    2. ໃນງານໄດ້ພົບກັບໃຜແດ່? ແລະ ໄດ້ມີໂອກາດ ທີ່ຈະຮ່ວມມືກັບຜູ້ເຂົ້າຮ່ວມໃດແດ່ໃນອະນາຄົດ?

           ໄດ້ມີໂອກາດພົບປະກັບບັນດາສິລະປີນ, ໂປດິວເຊີ້ ແລະ ຜູ້ອຳນວຍການຈາກຫຼາກຫຼາຍບໍລິສັດ. ຍັງໄດ້ມີໂອກາດພົບກັບບັນດາສີນລະປີນທີ່ມາຈາກປະເທດໃນອາຊີນຳກັນບໍ່ວ່າຈະເປັນໄທຍ, ກຳປູເຈຍ, ຫຽດນາມແລະອີກຫຼາຍໆທ່ານ. ພ້ອມຍັງທາງເຮົາ ແລະ ທາງສິລະປີນຫວຽດນາມ Miss Nguyen Thi Phuong thaoໄດ້ຮ່ວມກັນເປີດໂຕະ Group meeting ໃນຫົວຂໍ້ທີ່ວ່າ New trend of  dance in Laos and Vietname ເພື່ອນຳສະເໜີວຽກງານຂອງຕົນ ແລະ ສະພາບວົງການເຕັ້ນທີ່ລາວ ແລະ ຫວຽດນາມພ້ອມທັງຍັງມີການແລກປ່ຽນຄວາມຮູ້ແນວຄິດແບບແຜນໃນການກຽມພ້ອມ, ຖ້າຫາກວ່າໄດ້ມີໂອກາດໃນການຮ່ວມມືກັນໃນອານາຄົດພ້ອມທັງຫາໂອກາດ ແລະ ເວລາທີ່ເໝາະສົມ ທີ່ຈະຮ່ວມມືກັນເພື່ອຊ່ວຍກັນພັດທະນາວົງການເຕັ້ນໃນປະເທດຂອງຕົນ.

    1. ຄິດວ່າປະສົບການທີ່ໄດ້ຮັບຈາກ ການຮ່ວມງານໃນຄັ້ງນີ້ຕົນເອງຈະເອົາມາພັດທະນາ ກັບການເຕັ້ນໃນລາວແນວໃດ?

    ຫຼັງຈາກຜ່ານການຮ່ວມງານໃນຄັ້ງນີ້ກໍ່ເຮັດໃຫ້ໄດ້ຮັບຄວາມຮູ້ໃນຫຼາຍຢ່າງເຊັ່ນ:

    1. ) ໄດ້ຮັບຮູ້ແນວທາງການພັດທະນາ ແລະ ຮູບແບບການສະແດງສິລະປະຂອງຫຼາຍໆປະເທດທີ່ມີສ່ວນຮ່ວມໃນງານນີ້. ເຊີ່ງຈະເປັນຕົວຢ່າງທີ່ດີທີ່ຈະນໍາມາພັດທະນາ ແລະ ປັບໃຊ້ກັບການສະແດງຂອງບ້ານເຮົາເພື່ອໃຫ້ເກີດການຍອມຮັບຫຼາຍຂື້ນໃຫ້ທຽບເທົ່າລະດັບສາກົນ.
    2. ) ຄວາມສໍາຄັນໃນການຮ່ວມມືກັບອົງກອນຕ່າງປະເທດ ແລະ ບໍລິສັດອື່ນໆ. ການຮ່ວມມືກັບສາກົນກໍເປັນອີກບາດກ້າວໜື່ງໃນການໄດ້ຮັບໂອກາດແລກປ່ຽນຄວາມຮູ້ ແລະ ແນວຄິດໃຫ່ມໆກັບຜູ້ທີ່ມີປະສົບການເພື່ອການພັດທະນາໃນວຽກງານຂອງວົງການເຕັ້ນລາວ.4.   ສິ່ງທີ່ປະທັບໃຈທີ່ສຸດໃນໄລຍະທີ່ຢູ່ຍີ່ປຸ່ນແມ່ນຫຍັງ?

    ປະທັບໃຈ ວັດທະນາທໍາທີ່ດີງາມຂອງຍີ່ບຸນ, ຜູ້ຄົນ ແລະ ຄວາມມຸ້ງໝັ້ນຕັ້ງໃຈໃນການສ້າງສາພັດທະນາໃນສາຍວຽກສິລະປະຂອງບັນດານັກສິລະປີນທີ່ມີຊື່ສຽງ ແລະ ຜູ້ທີ່ມີປະສົບການ.

    1. ຖ້າມີໂອກາດໜ້າ ຕົນເອງຢາກເຂົ້າຮ່ວມງານອີກບໍ? ແລະ ຢາກເຂົ້າຮ່ວມໃນລັກສະນະງານແນວໃດ?

    ຖ້າມີໂອກາດໜ້າ, ຢາກຈະເຂົ້າຮ່ວມອີກ ແລະ ຢາກເຂົ້າຮ່ວມໃນການເປັນສ່ວນໜຶ່ງໃນການສະແດງຂອງ TPAM.

    1. ຈະໃຫ້ຄຳແນະນຳ ແນວໃດສຳລັບ ຜູ້ທີ່ຈະເຂົ້າຮ່ວມງານ ໃນຄັ້ງໜ້າຄວນກະກຽມຫຍັງແດ່?
    2. ປະສົບການໃນການເດີນທາງ ສະຖານທີ່ ແລະ ວິທີເດີນທາງ
    3. ຄໍານວນຄິດໄລ່ຄ່າໃຊ້ຈ່າຍສ່ວນຕ່າງທີ່ຈໍາເປັນໃນການເດີນທາງ.
    4. ກຽມພ້ອມເອກະສານຂອງສາຍງານຕົນເອງເພື່ອຈະໄດ້ນໍາສະເໜີກັບອົງກອນຕ່າງໆ.
    5. ຄວາມຮູ້ດ້ານພາສາຕ່າງປະເທດ ສໍາຄັນທີ່ສຸດແມ່ນພາສາອັງກີດ.

ລອງມາທ້າທາຍກັບການໃຊ້ ເອລິນ – Challenge with Erin

ແອບພຣິເຄຊັ້ນນີ້ແມ່ນ ນຳໃຊ້ສຳລັບການຮຽນຮູ້ຄຳສັບ ແລະ ການສະແດງອອກອື່ນໆ ໃນລະດັບເລີ່ມຕົ້ນ ໂດຍຜ່ານການຫຼີ້ນເກມໄພ້, ກາຕຸນ ແລະ ການທົດສອບຕ່າງໆ. ພ້ອມນີ້ ມັນຍັງສາມາດໃຊ້ເພື່ອກວດສອບວ່າ ທ່ານສາມາດຈື່ຈຳໄດ້ດີປານໄດ.
ທ່ານສາມາດດາວໂລດຈາກທີ່ນີ້ໄດ້:

– ສຳລັບ ຜູ້ນຳໃຊ້ ແອນດຣອຍ 
https://play.google.com/store/apps/details…
– ສຳລັບ ຜູ້ນຳໃຊ້ ໄອໂຟນ
https://itunes.apple.com/…/challenge-with-erin/id1290748939…

Challenge with Erin – Japanese Language Test

This application can be used to study beginner-level vocabulary and expressions in an engaging way through card games, manga and quizzes, and it can also be used to check how much you were able to remember.

Download this link
– Android(Google Play)
https://play.google.com/store/apps/details…
– iOS(App Store)
https://itunes.apple.com/…/challenge-with-erin/id1290748939…

ໂປແກຣມແລກປ່ຽນນັກສຶກສາກ່ຽວກັບຮູບເງົາ – Exchange Program for Students in Film Studies – “…and Action! Asia 04”

ໂປແກຣມແລກປ່ຽນນັກສຶກສາກ່ຽວກັບຮູບເງົາ – “ and Action! Asia 04”

ໂປແກຣມແລກປ່ຽນນີ້ແມ່ນການຮ່ວມກັນຈັດຂື້ນໂດຍ ສູນອາຊີມູນນິທິຍີ່ປຸ່ນ ແລະ ສະຖາບັນຮູບພາບເຄື່ອນໄຫວຂອງຍີ່ປຸ່ນ ລະຫວ່າງວັນທີ 27 ກຸມພາ – 12 ມີນາ 2018 ທີ່ ນະຄອນໂຕກຽວ.

ອາຈານ ແລະ ນັກສຶກສາ ຈາກສະຖາບັນວິຈິດສິນໄດ້ຖືກຄັດເລືອກໃຫ້ເຂົ້າຮ່ວມໃນງານຄັ້ງນີ້ ຊຶ່ງນຳພາໂດຍ ອາຈານ ສຸລິຍາ ພູມມີວົງ ພ້ອມດ້ວຍ ນັກສຶກສາ 3 ຄົນຄື: 1) ນ. ລາວົງ ພຣະຈັນ, 2) ທ. ພຸດທະໜອມ ແກ້ວປະເສີດ, 3) ທ. ໄຊຍະເວດ ແກ້ວວິໄລ.

ຈຸດປະສົງຂອງງານໃນຄັ້້ງນີ້ແມ່ນເພື່ອສ້າງຄວາມເຂົ້າໃຈກັນໃຫ້ເລິກເຊິ່ງ ແລະ ທັງເປັນການຊຸກຍູ້ຜູ້ສ້າງຮູບເງົາລຸ້ນໃໝ່ໃນປະເທດອາຊີ ຈິ່ງໄດ້ມີການຈັດງານນີ້ຂື້ນທຸກໆປີ.

ເປົ້າໝາຍຂອງໂປແກຣມນີ້ແມ່ນແນໃສ່ນັກສຶກສາຜູ້ທີ່ສົນໃຈຢາກຮຽນຮູ້ເລິກເຊິ່ງຍິ່່ງຂື້ນກ່ຽວກັບການສ້າງຮູບເງົາຂອງປະເທດອື່ນໆ ແລະ ທັງເປັນການສ້າງເຄືອຄ່າຍພົວພັນ ແລະ ການນຳໃຊ້ປະສົບການເຂົ້າໃນການຮຽນຮູ້ ເພື່ອປະກອບອາຊີບໃນອະນາຄົດ.
ໂປແກຣມນີ້ໄດ້ດຳເນີນມາແລ້ວທັງໝົດ 3 ຄັ້ງ. ຄັ້ງນີ້ຈະເປັນຄວາມພະຍາຍາມເທຶ່ອທີ 4 ໃນການຈັດງານນີ້. ສຳລັບປະເທດລາວເອງກໍ່ໄດ້ຖືກຄັດເລືອກໃຫ້ເຂົ້າຮ່ວມເປັນຄັ້ງທຳອິດ. ໃນລາຍການນີ້ລວມມີ ການບັນລະຍາຍ, ການປະຊຸມ ແລະ ການສ້າງຮູບເງົາ ແລະ ອື່ນໆ…

ສຳລັບລາຍລະອຽດເຂົ້າໄປອ່ານໃນເວັບໄຊ້ນີ້: http://jfac.jp/en/culture/projects/andactionasia/

Exchange Program for Students in Film Studies – “…and Action! Asia 04

Exchange Program for Students in Film Studies – “…and Action! Asia 04” –

is co-organized by the Japan Foundation Asia Center and Japan Institute of the Moving Image (JIMI) from February 27 to March 12, 2018, Tokyo.

National Institute of Fine Arts is selected and the participating students are Ms. Wravong Phrachanh, Mr. Phoutthanome Keopaseuth and Mr. Xayaveth Keovilay led by Prof. Souliya Phoumivong.

It aims to deepen mutual understanding and foster a new generation of film-makers in Asian countries. This program is held every year.

The project target is students who are interested in achieving a greater understanding of film-making in other countries, expanding their networks, and using their experience for their studies and future career.

The program has been implemented 3 times already.  This time it is the 4th of the endeavor.  Laos is selected for the first time ever.  The program includes lectures, workshops and film shootings, etc.

For detailed information visit the below site:  http://jfac.jp/en/culture/projects/andactionasia/

 

 

 

ກອງປະຊຸມດ້ານການສະແດງສິນລະປະ 2018 (TPAM 2018) – TPAM (Performing Arts Meeting in Yokohama) 2018

2 ນັກສິນລະປິນຈາກປະເທດລາວ ທີ່່ຖືກຄັດເລືອກໄປຮ່ວມງານ TPAM 2018 ມີດັ່ງນີ້:

  1. ນາງ. ທິບເກສອນ ຫຼວງລາດ, ຜູ້ອຳນວຍການ ສະມາຄົມ ລາວບັ້ງໄຟ
  2. ທ້າວ. ວຽງນະຄອນ ໄຊຍະສອນ, ຜູ້ຈັດການ ສະມາຄົມ ລາວບັ້ງໄຟ

TPAM ຖືວ່າເປັນກອງປະຊຸມສາກົນທີ່ຖືກຍອມຮັບໃນນາມໜຶ່ງໃນການສະແດງສິນລະປະເທິງເວທີ ທີ່ມີຄວາມສຳຄັນທີ່ສຸດໃນອາຊີ. ໃນໄລຍະກອງປະຊຸມດັ່ງກ່າວ, ສູນອາຊີ ມູນນິທິຍີ່ປຸ່ນ ກໍ່ໄດ້ເຊີນນັກສິນລະປິນມືອາຊີບ ຫຼາຍທ່ານຈາກທົ່ວໂລກ (ຫຼັກໆແມ່ນໃນອາຊີ) ໄປປະເທດຍີ່ປຸ່ນ, ຈຸດປະສົງດັ່ງກ່າວແມ່ນເພື່ອຂະຫຍາຍ ແລະ ສ້າງຄວາມເຂັ້ມແຂງສຳລັບເຄືອຄ່າຍດ້ານສິນລະປະການສະແດງຂອງບັນດາມືອາຊີບ.    ລາຍລະອຽດແມ່ນເຂົ້າໄປອ່ານຢູ່ທີ່ນີ້: https://www.tpam.or.jp/info/en/tag/tpam2018

Two professionals have been selected as Participants from Laos to TPAM 2018:

  1. Ms. Thipkesone Luanglath Managing Director, Laobangfai Prime Association
  2. Mr. Viengnakhone Xayyasone, Manager, Laobangfai Academy

TPAM is internationally recognized as one of the most influential performing arts platforms in Asia.  During the TPAM period, the Japan Foundation Asia Center is also going to invite many professionals on performing arts from around the world (mainly from Asia) to Japan, aiming at expanding and strengthening the professional network.                                                For more information visit the below: https://www.tpam.or.jp/info/en/tag/tpam2018

ຄວາມຮູ້ສຶກຂອງຜູ້ທີ່ໄດ້ຖືກຄັດເລືອກເຂົ້າຮ່ວມງານTIFF Online review winner’s report after attending TIFF

ທ່ານ. ສິນທະວົງ ແສງມຸນທອງ ແລະ ທ່ານ ນາງ ຈັນທາ ພູມທິເດດ ໄດ້ຖືກເຊີນຈາກ ສູນອາຊີມູນນິທິຍີ່ປຸ່ນ ເພື່ອເຂົ້າຮ່ວມງານຮູບເງົາສາກົນໂຕກຽວ ໃນ ເດືອນ 10 ທີ່ຜ່ານມາ.

ເນື້ອໃນລຸ່ມນີ້ແມ່ນຄວາມຮູ້ສຶກຂອງທັງ 2 ຄົນ ຫຼັງການເຂົ້າການຮ່ວມງານດັ່ງກ່າວ

ພວກເຮົາຮູ້ສຶກປະທັບໃຈຫຼາຍທີ່ໄດ້ໄປຮ່ວມໃນງານເທດສະການຮູບເງົານານາຊາດໂຕກຽວຄັ້ງທີ30 ທີ່ປະເທດຍີປຸ່ນໃນຄັ້້ງນີ້ ໄດ້ເຫັນຜູ້ຄົນຫຼາກໜ້າຫຼາຍຕາຈາກທົ່ວໂລກ ໂດຍສະເພາະແມ່ນໄດ້ເຫັນດາຣາດັງຈາກຮໍລີວູດ ແລະ ທົ່ວໂລກ ບໍ່ຄິດວ່າເຮົາຈະໄດ້ເຫັນດາຣາຮູບເງົາດັງໆຕົວຈິງ ງານນີ້ຍິ່ງໃຫຍ່ອີ່ຫຼີ ມີຮູບເງົາທີ່ມີຄຸນນະພາບ ຫຼາກຫຼາຍໃຫ້ເຮົາເລືອກຊົມ ເຮົາຄິດວ່າງານນີ້ສຳຄັນຫຼາຍ ສຳຫຼັບຜູ້ສ້າງ ແລະ ຜູ້ຊົມຮູບເງົາ ຄື ຄົນສ້າງຈະໄດ້ວິທີການ ແລະ ຄວາມຮູ້ໃໝ່ຈາກແຕ່ລະເລື່ອງ ສ່ວນຄົນຊົມກໍຈະໄດ້ຄວາມມ່ວນຊື່ນ ແລະ ປະສົບການຊີວິດຈາກຮູບເງົາ. ຖ້າໄດ້ມີໂອກາດໄດ້ໄປອີກມັນກໍຈະວິເສດຫຼາຍສຳຫຼັບພວກເຮົາ. ພວກເຮົາຂໍຂອບໃຈທຸກຄົນທີ່ໄດ້ໃຫ້ໂອກາດຂ້ອຍ ແລະ ແມ່ໄດ້ໄປຮ່ວມໃນງານນີ້.

Mr. Sinthavong Sengmounthong and Ms. Chantha Phoumthidet were invited to Tokyo International Film Festival (TIFF) last October by the Japan Foundation Asia Center.

The following report is their impressions about this event after returning.

Our impressions about the “30th Tokyo International Film Festival (TIFF)”: We had an opportunity to meet many people related to the field of film, entertainment and media from all over the world. Moreover we saw some Hollywood stars. We had never thought that we were able to see those stars in person. This event was so huge and had a variety of quality movies screened. Audiences therefore enjoyed them and could choose their favorite one. We think this event was so significant for filmmakers and audiences. Especially filmmakers obtained new knowledge and techniques from each screened movie. If we had a chance to participate in the event again, it would be marvelous.

Last but not least I and my mom would like to thank the TIFF and the Japan Foundation Asia Center for having provided us such a great opportunity to participate in the event this time.

Introductions of films to be screened:#1 “Rudolf the Black Cat”

ເທດສະການຮູບເງົາຍີ່ປຸ່ນ ຄັ້ງທີ Ⅱ ທີ່ນະຄອນຫລວງວຽງຈັນ (16-17 & 22-24 ທັນວາ)ຂໍແນະນຳຮູຸບເງົາແຕ່ລະເລື່ອງທີ່ຈະສາຍທຸກໆອາທິດ
1. ແມວດຳລູດ໋ອບ
ແມວດຳລູດ໋ອບໄດ້ພັດພາກຈາກເຈົ້າຂອງໂດຍທີ່ຫຼົງຂື້້ນໄປນຳລົດບັນທຸກທີ່່ມຸ້ງໜ້າໄປໂຕກຽວ….ຂໍ້ມູນເພີ່ມເຕີມເຂົ້າໄປອ່ານທີ່ນີ້:
http://www.majorplatinumcineplex.la/

The 2nd Japanese Film Festival in Vientiane (16-17 & 22-24 Dec)
We will introduce the movies highlight every week.
1. Rudolf the Black Cat
A black cat is suddenly separated from his master. He unexpectedly wakes up in a truck that take him to Tokyo…
For more information, visit here:
http://www.majorplatinumcineplex.la/

ເທດສະການຮູບເງົາຍີ່ປຸ່ນ ຄັ້ງທີ Ⅱ ທີ່ນະຄອນຫລວງວຽງຈັນ The 2nd Japanese Film Festival in Vientiane

ມູນນິທິຍີ່່ປຸ່ນມີກຳນົດການທີ່ຈະຈັດເທດສະການຮູບເງົາຍີ່ປຸ່ນ ຄັ້້ງທີ Ⅱ ຂື້ນທີ່ນະຄອນຫລວງວຽງຈັນ ໃນເດືອນ ທັນວາ ປີ 2017. ໃນງານຄັ້ງນີ້ ມີຮູບເງົາໃຫມ່ 7 ເລື່ອງ ທີ່ຈະສາຍ ຢູ່ທີ່ ເມເຈີ້ ເພຣັດທິນັມ ຊິນິເພຣັກ, ວຽງຈັນເຊັນເຕີ້ (ຊັ້ນ4) ໃນວັນທີ່ 16-17 ແລະ 22-23-24 ເດືອນ ທັນວານີ້. ສຳລັບຂ້ໍມູນເພີ່ມເຕີມເຊັ່ນ: ກຳນົດການສາຍຮູບເງົາ, ລາຄາປີ້ ແລະ ອື່ນໆຈະແຈ້ງໄວໆນີ້!

The 2nd Japanese Film Festival organized by the Japan Foundation is scheduled to be held in Vientiane in December 2017. Seven brand-new films will be shown at the Major Platinum Cineplex, Vientiane Center (4th FL) on Dec. 16 (Sat) & 17(Sun) and 22(Fri), 23(Sat) & 24(Sun).  Further information such as the screening schedule, ticket prices and so on will be announced soon!

1.  Rudolf the Black Cat
  2.  Her Love Boils Bathwater

3.  ReLIFE
4. Let’s go, Jets!

5. Mumon: The Land of Stealth

6.  In this Corner of the World
7. Survival Family