Category Archives: Past Events

ວິດິໂອຄລິບທີ່່ ສະແດງໃຫ້ເຫັນກິດຈະກຳທີ່ຜ່ານມາຂອງ ສູນອາຊີພວກເຮົາ!-A video clip showing our Asian Center’s recent activities!

ເຂົ້າໄປເບີ່ງໃນຄລິບວິດີໂອຂ້າງລຸ່ມນີ້:
https://youtu.be/fFj45BobmgY
(ກິດຈະກຳໄດ້ເນັ້ນໜັກກ່ຽວກັບປີທີ 3 ຂອງພວກເຮົາຕັ້ງແຕ່ ເດືອນ 4 ປີ 2016 – ເດືອນ 3 ປີ 2017)

Visit and see the below video clip:
https://youtu.be/fFj45BobmgY
(Activity Highlights Our Third Year April 2016-March 2017)

ບົດສຳພາດຜູ້ເຂົ້າຮ່ວມ TPAM 2017 (ຜູ້ທີ 3)

ຜ່ານການສຳພາດຄົນທີ 3) ຄື: ທ. ພັນທະມິດ ພົມມະຈັນ  ຫຼື ລັກກີ້ ກ່ຽວກັບປະສົບການຕ່າງໆທີ່ໄດ້ຮັບ ຫຼັງການເຂົ້າຮ່ວມງານ TPAM 2017  ຄັ້ງນີ້ໄດ້ໃຫ້ຄຳຄິດເຫັນ ຄື:

  1. ໄດ້ໄປເຂົ້າຮ່ວມງານຢູ່ເມືອງໃດແດ່?
    ຕອບ: ຕົນເອງໄດ້ໄປເຂົ້າຮ່ວມງານຄັ້ງນີ້ດ້ວຍການໄປທີ່ສະຕູດີໂອ ແກໂລລີ້ ຂອງເມືອງ ໂຢໂກຮ່າມ້າ ແລະ ທີ່ເມືອງ ເມກຸໂລະ, ແຂວງ ໂຕກຽວ.
  2.  ໃນງານໄດ້ພົບກັບໃຜແດ່? ແລະ ໄດ້ມີໂອກາດ ທີ່ຈະຮ່ວມມືກັບຜູ້ເຂົ້າຮ່ວມໃດແດ່ໃນອະນາຄົດ?
    ຕອບ: ໄດ້ພົບກັບຫຼາຍຄົນບໍ່ວ່າຈະເປັນຜູ້ຜະລິດ ແລະ ຜູ້ອຳນວຍການຜະລິດງານຈາກ ບັນດາປະເທດເຊັ່ນ: ຝະລັ່ງ, ເຢຍລະມັນ, ປະເທດໃນກຸ່ມອາຊ້ຽນ. ຍິ່ງກວ່ານັ້ນ ກໍ່ໄດ້ພົບກັບນັກຮ່ວມອາຊີບ ຈາກອິນເດຍ ແລະ ຈີນ ຊຶ່ງໄດ້ປຶກສາຫາລືກັນໃນອະນາຄົດ ມີແຜນທີ່ຈະໄປແລກປ່ຽນກ່ຽວກັບວັດທະນະທຳ ຫຼື ການເຕັ້ນໂຊ ທີ່ຕ່າງປະເທດ.
  3. ຄິດວ່າປະສົບການທີ່ໄດ້ຮັບຈາກ ການຮ່ວມງານໃນຄັ້ງນີ້ຕົນເອງຈະເອົາມາພັດທະນາ ກັບການເຕັ້ນໃນລາວແນວໃດ?
    ຕອບ
    : ຫຼັງຈາກການເຂົ້າຮ່ວມງານTPAM ຕົນເອງໄດ້ຮຽນຮູ້ວິທີການສະແດງເພີ່ມຂື້ນເຊັ່ນ:ການເຮັດວຽກກ່ຽວກັບການເຕັ້ນເພາະວ່າການເຂົ້າຮ່ວມຄັ້ງນີ້ ລັກກີ້ໄດ້ພົບກັບ ນັກເຕັ້ນຄົນຍີ່ປຸ່ນຊື່ ທ່ານ ວາຕະລຶ ກິຕະໂອະ ຊຶ່ງລາວໄດ້ແນະນຳ ແລະ ອະທິບາຍວິທີການເຮັດໂຊ, ແນວທາງການເຕັ້ນແບບ ເທັມພໍແລລີ້ ທີ່ສ່ອງແສງກ່ຽວກັບການດຳລົງຊີວິດຈິງໃນສັງຄົມ.
  4. ສິ່ງທີ່ ລັກກີ້ປະທັບໃຈທີ່ສຸດໃນໄລຍະທີ່ຢູ່ຍີ່ປຸ່ນແມ່ນຫຍັງ?
    ຕອບ
    : ຍີ່ປຸ່ນເປັນປະເທດທີ່ຮັກສາເອກກະລັກດ້ານພາສາ, ລະບຽບສັງຄົມ, ອາຫານຕ່າງໆລ້ວນແຕ່ເຮັດໃຫ້ ລັກກີ້ຮູ້ສຶກປະທັບ ໃຈໂດຍສະເພາະ ແມ່ນຄົນຍີ່ປຸ່ນທີ່ໃຫ້ການຊ່ວຍບໍ່ວ່າຈະເປັນການແນະນຳທາງ ແລະ ການເຮັດກິດຈະກຳຕ່າງໆ.
  5.  ຖ້າມີໂອກາດໜ້າ ຕົນເອງຢາກເຂົ້າຮ່ວມງານອີກບໍ? ແລະ ຢາກເຂົ້າຮ່ວມໃນລັກສະນະງານແນວໃດ?
    ຕອບ
    : ເຈົ້າ, ຢາກຮ່ວມງານອີກ. ຖ້າມີໂອກາດໜ້າຢາກປະກອບສ່ວນໃນການ ໂຊການສະແດງເທິງເວທີ ເພື່ອເຜີຍແຜ່ລັກສະນະຮູບແບບການເຕັ້ນຂອງຕົນເອງ ຫຼື ທາງຟັງລາວ.
  6. ລັກກີ້ຈະໃຫ້ຄຳແນະນຳ ແນວໃດສຳລັບ ຜູ້ທີ່ຈະເຂົ້າຮ່ວມງານ ໃນຄັ້ງໜ້າຄວນກະກຽມຫຍັງແດ່?
    ຕອບ
    :  ສິ່ງທີ່ຄວນກະກຽມຫຼັກໆມີຄື:-ສຳລັບພາສາອັງກິດຖ້າຈະດີແທ້ຄວນມີຄວາມຮູ້ດ້ານພາສາອັງກິດໃນລະດັບທີ່ດີຫຼາຍເພາະຈະໄດ້ເຮັດວຽກກຸ່ມກັບຫຼາຍປະເທດ ພ້ອມທັງເຮັດຟັງການບັນລະຍາຍຕ່າງໆ.
    -ອ່ານລາຍລະອຽດ ແລະ ສຶກສາເນື້ອໃນຂອງງານ TPAMໃຫ້ດີກ່ອນເຂົ້າຮ່ວມ,ຖ້າມີໂອກາດໄດ້ໂຊກໍ່ຄວນໄປຮ່ວມຍິ່ງດີ, ລວມທັງເອົານາມບັດຕິດໂຕໄປນຳ.
    – ການແຕ່ງຕົວແບບສະບາຍ ແຕ່ຕ້ອງສຶກສາອາກາດໃນລະດູນັ້ນວ່າຄວນ ເອົາເສື້ອຜ້າແນວໃດໄປຈິ່ງເໝາະສົມ.

    ສຳລັບຂໍ້ມູນເພີ່ມເຕີມຂອງ TPAM 2017ກະລຸນາເຂົ້າໄປໃນເວັບໄຊລຸ່ມນີ້: https://www.tpam.or.jp/2017/en/

    Sankeien©Lucky

ບົດສຳພາດຜູ້ເຂົ້າຮ່ວມງານ TPAM 2017 (ຜູ້ທີ 2)

ຜ່ານການສຳພາດ ຜູ້ທີ 2 ) ທ. ເອກສະລັກ ອຸດົມສຸກ ຫຼື ເປີ້ນ ກ່ຽວກັບປະສົບການຕ່າງໆທີ່ໄດ້ຮັບ ຫຼັງການເຂົ້າຮ່ວມງານ TPAM 2017 ຄັ້ງນີ້ໄດ້ໃຫ້ຄຳຄິດເຫັນ ຄື:

  1. ເປີ້ນໄດ້ໄປເຂົ້າຮ່ວມງານຢູ່ເມືອງໃດແດ່?
    ຕອບ: ຕົນເອງໄດ້ໄປເຂົ້າຮ່ວມງານຄັ້ງນີ້ດ້ວຍການໄປທີ່ Bank Art ແລະ ຫຼາຍສະຕູດິໂອທີ່ເມືອງ ໂຢໂກຮ່າມ້າ ແລະ ບາງສະຕູດິໂອທີ່ເມືອງໂຕກຽວ
  2. ໃນງານໄດ້ພົບກັບໃຜແດ່? ແລະ ໄດ້ມີໂອກາດທີ່ຈະຮ່ວມມືກັບຜູ້ເຂົ້າຮ່ວມໃດແດ່ ໃນອະນາຄົດ?
    ຕອບ: ໄດ້ພົບກັບ ຜູ້ອຳນວຍການຈັດງານຄົນຍີ່ປຸ່ນ, ສິງກະໂປ, ອີຢິບ, ອາເມລິກາ ແລະ ນັກເຕັ້ນ ແຕ່ລະປະເທດ ຊຶ່ງໄດ້ມີການປຶກສາຫາລື ກ່ຽວກັບການຮ່ວມມືແລກປ່ຽນ ຊຶ່ງກັນ ແລະ ກັນ ໃນອະນາຄົດ. ພ້ອມທັງໄດ້ເຂົ້າ ຮ່ວມການບັນຍາຍ ແລະ ແລກປ່ຽນໃນຫົວຂ້ໍ “ Street Meets Contemporary Dance” ກັບ ທ່ານ ວາຕະລຶ ກິຕະໂອະ (ນັກອອກແບບທ່າເຕັ້ນ, ນັກເຕັ້ນ, ນັກສະແດງ) ໄດ້ແລກປ່ຽນພ້ອມທັງໃຫ້ຄຳແນະນຳຕ່າງໆ. ນອກຈາກນັ້ນກໍ່ໄດ້ໄປເບິ່ງການສະແດງ ແລະ ຟັງການບັນຍາຍຈາກ ທ່ານ ອະພິຊາດພົງ ຜູ້ກຳກັບໄທຊື່ດັ່ງທີ່ໄດ້ມາຮ່ວມໃນງານ TPAM ຄັ້ງນີ້ດ້ວຍ.
  3. ຄິດວ່າປະສົບການທີ່ໄດ້ຮັບຈາກ ການຮ່ວມງານໃນຄັ້ງນີ້ຕົນເອງຈະເອົາມາພັດທະນາ ກັບການເຕັ້ນໃນລາວແນວໃດ?
    ຕອບ: ສຳລັບເປີ້ນເອງ ແລ້ວເປັນຄົນມັກໃນເລື່ອງ ການສະແດງສິນລະປະຢູ່ແລ້ວ ຈິ່ງຮູ້ສຶກວ່າການໄດ້ເຂົ້າຮ່ວມງານ TPAM ຄັ້ງນີ້ໄດ້ບົດຮຽນຢ່າງຫຼວງຫຼາຍເພາະໄດ້ເຫັນການສະແດງສິນລະປະຫຼາກຫຼາຍຮູບແບບບໍ່ວ່າຈະເປັນຂອງທາງຍີ່ປຸ່ນ ແລະ ຕ່າງປະເທດ ລ້ວນແຕ່ເປັນປະສົບການທີ່ດີ ເພື່ອນຳເອົາມາເປັນແນວທາງ ຫຼື ແນວຄິດສຳລັບການເຮັດວຽກຕ່າງໆ ແລ້ວພັດທະນາດ້ານດັ່ງກ່າວໃນລາວໃຫ້ດີ ຍິ່ງຂື້ນ.
  4. ສິ່ງທີ່ ປະທັບໃຈທີ່ສຸດໃນໄລຍະທີ່ຢູ່ຍີ່ປຸ່ນແມ່ນຫຍັງ?
    ຕອບ: ຄົນຍີ່ປຸ່ນເປັນຄົນທີ່ມີນ້ຳໃຈ, ມັກຊ່ວຍເຫຼືອຄົນຕ່າງປະເທດ ຈິ່ງຮູ້ສຶກປະທັບໃຈເປັນພິເສດ.
  5. ຖ້າມີໂອກາດໜ້າຕົນເອງຢາກເຂົ້າຮ່ວມງານອີກບໍ ແລະ ຢາກເຂົ້າຮ່ວມໃນລັກສະນະງານແນວໃດ?
    ຕອບ: ຖ້າມີໂອກາດໜ້າ ກໍ່ຢາກເຂົ້າຮ່ວມງານດັ່ງກ່າວອີກ. ຊຶ່ງຮູບແບບການເຂົ້າຮ່ວມແມ່ນຢາກຈະໄດ້ຮັບໂອກາດໄດ້ສະແດງຕົວຈິງເພື່ອເຜີຍແພ່ສິນລະປະ ການສະແດງໃຫ້ຄົນຕ່າງປະເທດໄດ້ຮັບຮູ້.
  6. ເປີ້ນຈະໃຫ້ຄຳແນະນຳ ແນວໃດສຳລັບ ຜູ້ທີ່ຈະເຂົ້າຮ່ວມງານໃນຄັ້ງໜ້າ ຄວນກະກຽມຫຍັງແດ່?
    ຕອບ: ສຳລັບເປີ້ນເອງຂໍເເນະນຳໃຫ້ກະກຽມ ຄືດັ່ງລຸ່ມນີ້:
    –   ກ່ອນທີ່ຈະເຂົ້າຮ່ວມຕ້ອງສຶກສາລາຍລະອຽດໃນການໄປເບິ່ງການສະແດງໃຫ້ດີ ເພາະມັນເປັນໂອກາດສຳຄັນທີ່ຈະໄດ້ເບິ່ງການສະແດງຫຼາກຫຼາຍຮູບແບບໃນແຕ່ລະບ່ອນທີ່ຕ່າງກັນ.
    –  ຜູ້ທີ່ເຂົ້າຮ່ວມຕ້ອງມີຄວາມມັກໃນເລື່ອງການສະແດງແທ້ໆຈິ່ງຈະເຮັດໃຫ້ການເບິ່ງແຕ່ລະການສະ
    ແດງໄດ້ຮັບຜົນປະໂຫຍດສູງ.
    –  ພາສາອັງກິດໃນລະດັບທີ່ດີມີຄວາມຈຳເປັນຫຼາຍໃນການຟັງການບັນລະຍາຍ ແລະ ສື່ສານເພື່ອທີ່ຈະໄດ້ຮັບຜົນປະໂຫຍດສູງສຸດໃນການເຂົ້າຮ່ວມການປະຊຸມ.
    –  ເປັນໄປໄດ້ຢາກໃຫ້ຜູ້ເຂົ້າຮ່ວມໃນຄັ້ງໜ້າຖ່າຍຮູບກ່ຽວກັບງານ TPAM ໄວຫຼາຍໆເພື່ອເປັນພາບປະກອບໃນບົດສຳພາດເພື່ອຖອດຖອນບົດຮຽນຫຼັງສຳເລັດງານ.ສຳລັບຂໍ້ມູນເພີ່ມເຕີມຂອງ TPAM 2017 ກະລຸນາເຂົ້າໄປໃນເວັບໄຊ ລຸ່ມນີ້: https://www.tpam.or.jp/2017/en/

 

 

ບົດສຳພາດຜູ້ເຂົ້າຮ່ວມງານ TPAM 2017 (ຜູ້ທີ 1)

ໃນການຈັດງານ TPAM 2017 (ກອງປະຊຸມສິນລະປະການສະແດງໂຕກຽວ) ທີ່ເມືອງໂຢໂກຮ່າມ້າ ປະເທດຍີ່ປຸ່ນ ຕັ້ແຕ່ງວັນທີ 11 – 19 ເດືອນ 2 ປີ 2017 ທີ່ຜ່ານມາ ໄດ້ມີຕົວແທນຈາກປະເທດລາວທີ່ມາຈາກບໍລິສັດຟັງລາວ ທັງໝົດ 3 ຄົນ ໄດ້ຖືກຄັດເລືອກເຂົ້າຮ່ວມງານດັ່ງກ່າວ ຊຶ່ງມີລາຍຊື່ລຸ່ມນີ້:

  1. ທ. ລີ ພົງສະຫວັນ (ລີ) , ອາຊີບ: ນັກເຕັ້ນ, ຜູ້ກຳກັບ, ຜູ້ຈັດງານດ້ານວັດທະນະທຳ
  2. ທ. ເອກສະລັກ ອຸດົມສຸກ (ເປີ້ນ) , ອາຊີບ: ນັກເຕັ້ນ
  3. ທ. ພັນທະມິດ ພົມມະຈັນ (ລັກກີ້), ອາຊີບ: ນັກເຕັ້ນຜ່ານການສຳພາດ ທັງ 3 ຄົນກ່ຽວກັບປະສົບການຕ່າງໆທີ່ໄດ້ຮັບ ຫຼັງການເຂົ້າຮ່ວມງານ TPAM 2017 ຄັ້ງນີ້ໄດ້ໃຫ້ຄຳຄິດເຫັນ ຄື:

ຄົນທີ 1 ທ. ລີ ພົງສະຫວັນ (ລີ)

  1. ໄດ້ໄປເຂົ້າຮ່ວມງານຢູ່ເມືອງໃດແດ່?
    ຕອບ: ຕົນເອງໄດ້ໄປເຂົ້າຮ່ວມງານຄັ້ງນີ້ດ້ວຍການໄປທີ່ສະຕູດີໂອ Bankart ຂອງເມືອງ ໂຢໂກຮ່າມ້າ ແລະ ທີ່ໂຕກຽວ
  2. ໃນງານໄດ້ພົບກັບໃຜແດ່ ແລະ ໄດ້ມີໂອກາດທີ່ຈະຮ່ວມມືກັບຜູ້ເຂົ້າຮ່ວມໃດແດ່ ໃນອະນາຄົດ?
    ຕອບ: ໄດ້ພົບກັບ ທ່ານ ອະພິຊາດພົງ ຜູ້ກໍາກັບຊື່ດັ່ງຈາກ ປະເທດໄທ ທີ່ໄປບັນລະຍາຍ ແລະ ຈັດການສະແດງໃນງານ.ພ້ອມທັງໄດ້ພົບປະຜູ້ຈັດງານສິນລະປະຂອງແຕ່ລະ ປະເທດເຊັ່ນ: ອິນເດຍ, ຈີນ, ຍີ່ປຸ່ນ ແລະ ປະເທດໃນກຸ່ມອາຊ້ຽນ.
  3.  ຄິດວ່າປະສົບການທີ່ໄດ້ຮັບຈາກ ການຮ່ວມງານໃນຄັ້ງນີ້ຕົນເອງຈະເອົາມາພັດທະນາ ກັບການເຕັ້ນໃນລາວແນວໃດ?
    ຕອບ: ຫຼັງຈາກການເຂົ້າຮ່ວມງານTPAM 2017 ຕົນເອງຮູ້ສຶກຕື່ນເຕັ້ນ ແລະ ດີໃຈທີ່ໄດ້ພົບຄົນທີ່ມີຊື່ສຽງຈາກແຕ່ລະປະເທດທີ່ໄປງານ ແລະ ໄດ້ມີໂອກາດສອບຖາມແລກປ່ຽນກັບຫຼາຍໆທ່ານ. ຈິ່ງເຮັດໃຫ້ຮູ້ສຶກວ່າໄດ້ຮຽນຮູ້ຫຼາຍຢ່າງຈາກງານຄັ້ງນີ້.
  4. ສິ່ງທີ່ ລີ ປະທັບໃຈທີ່ສຸດໃນໄລຍະທີ່ຢູ່ຍີ່ປຸ່ນແມ່ນຫຍັງ?
    ຕອບ: ງານ TPAM 2017 ຄັ້ງນີ້ມີຫຼາຍໆຢ່າງໜ້າສົນໃຈ, ສຳລັບຕົນເອງແລ້ວແມ່ນຈະນຳເອົາສິນລະປະຄວາມຄິດສ້າງສັນຕ່າງໆມາປະຍຸກໃຊ້ໃນລາວ ແລະ ການຮູ້ຈັກຫຼາຍໆຄົນທີ່ມີຊື່ສຽງ ກໍ່ເປັນສິ່ງທີ່ໜ້າປະທັບໃຈຫຼາຍ.
  5. ຖ້າມີໂອກາດໜ້າ ຕົນເອງຢາກເຂົ້າຮ່ວມງານອີກບໍ? ແລະ ຢາກເຂົ້າຮ່ວມໃນລັກສະນະງານແນວໃດ?
    ຕອບ: ເຈົ້າ, ຢາກ ເຂົ້າຮ່ວມໃນງານເຊັ່ນນີ້ອີກ ຊຶ່ງໃນງານຢາກໃຫ້ງານເນັ້ນໜັກໃນການ ໂຊການສະແດງເທິງເວທີ ໂດຍສະເພາະຢາກໄດ້ຮັບໂອກາດໃຫ້ໂຊເທິງການເຕັ້ນ ເພື່ອເຜີຍແຜ່ລັກສະນະຮູບແບບການເຕັ້ນຂອງຕົນເອງ ຫຼື ທາງຟັງລາວ.
  6. ລີ ຈະໃຫ້ຄຳແນະນຳ ແນວໃດສຳລັບ ຜູ້ທີ່ຈະເຂົ້າຮ່ວມງານໃນຄັ້ງໜ້າຄວນກະກຽມຫຍັງແດ່?
    ຕອບ: ສິ່ງທີ່ຄວນກະກຽມຫຼັກໆມີຄື:
    – ເປັນໄປໄດ້ຢາກໃຫ້ມີປະສົບການໃນການເດີນທາງຢູ່ຕ່າງປະເທດເພາະຈະຕ້ອງເດີນທາງໄປ  ມາດ້ວຍຕົນເອງ
    – ສຳລັບພາສາອັງກິດຖ້າຈະດີແທ້ຄວນມີຄວາມຮູ້ດ້ານພາສາອັງກິດໃນລະດັບທີ່ດີຫຼາຍ
    – ຕ້ອງຮູ້ວ່າຕົນເອງເຮັດວຽກໃນສາຍໃດ ເພື່ອຈະກຳນົດໄດ້ວ່າ    ຕົນເອງຈະເລືອກທີ່ຈະຮຽນຮູ້ນຳໃຜໃນງານ TPAM
    – ເປັນໄປໄດ້ໃຫ້ສະຫຼຸບໜ້າວຽກທີ່ຕົນເອງທີ່ເຮັດມາມີຫຍັງແດ່ ລວມເຖິງເນື້ອໃນວຽກງານຂອງບໍລິສັດໂດຍລວມເອົາຕິດຄັດໄປນຳເພື່ອສະເໜີ ແລະ ເເນະນຳໃຫ້ຜູ້ເຂົ້າຮ່ວມໄດ້ຮູ້ຈັກ. ແລະ ເອົານາມບັດ ຕິດຄັດໄປນຳ.ສຳລັບຂໍ້ມູນເພີ່ມເຕີມຂອງ TPAM 2017 ກະລຸນາເຂົ້າໄປໃນເວັບໄຊ ລຸ່ມນີ້:
    https://www.tpam.or.jp/2017/en/

 

“Panorama of Lao Cinema” – Cambodia Film Festival

ເທດສະການຮູບເງົາກຳປູເຈ້ຍກຳລັງມີການຮ່ວມສາຍໜັງເກົ່າ ແລະ ໜັງໃໝ່ຂອງລາວເຂົ້ານຳ. ສຳລັບຂໍ້ມູນເພີ່ມເຕີມແມ່ນເຂົ້າໄປເບິ່ງໃນເວັບໄຊ້ລຸ່ມນີ້:
http://cambodia-iff.com/panorama-on-laos-cinema/

Cambodia Film Festival (March 4-9) are featuring Lao new and old films. For more information visit the below site.
http://cambodia-iff.com/panorama-on-laos-cinema/

 

[ASIA HUNDREDS] The Asian Three-Fold Mirror Symposium: Behind the Scenes of International Co-Productions

In celebration of the completion and premiere of “Asian Three-Fold Mirror 2016: Reflections” at the 29th Tokyo International Film Festival, a symposium was held to hear from the three directors the behind-the-scenes in each of their productions. They each shared with the audience how they found working in a foreign country and with a foreign crew.
For more information visit the below:
http://jfac.jp/en/culture/features/asiahundreds019/

A contemporary art project by AC “Condition Report”

The Japan Foundation Asia Center will present “Condition Report” in 2017, a collaborative art project by curators from Japan and Southeast Asian Countries. “Condition Report” is composed two parts. The first phase of the project consists of 4 major collaborative exhibitions held in Jakarta, Kuala Lumpur, Manila and Bangkok. The second phase consists of 14 local exhibitions.

From Laos Mr. Souliya Phoumivong (Artist / Lecturer, National Institute of Fine Arts) has participated in this project as a co-curator.

For more information visit the below site:
http://jfac.jp/en/culture/events/condition-report-escape-from-the-sea-1702240423/
http://jfac.jp/en/culture/dictionary/condition-report/

 

ເວັບໄຊ້ອອນໄລ ສຳລັບການຮຽນພາສາຍີ່ປຸ່ນຟຣີ ດ້ວຍຕົນເອງ-Free online self-learning sites for Japanese language study

ລາຍລະອຽດແມ່ນຕິດຕາມ ແລະ ເຂົ້າໄປໃນເວັບໄຊ້ລຸ່ມນີ້:
https://minato-jf.jp/
ສະຖາບັນພາສາຍີ່ປຸ່ນຂອງມູນລະນິທິ ຍີ່ປຸ່ນ, ສະຖາບັນພາສາຍີ່ປຸ່ນທີ່ຄັນໄຊຫາກໍ່ໄດ້ເປີດເຟ້ດບຸກ ດັ່ງທີ່ລະບຸຢູ່ລຸ່ມນີ້: ເຂົ້າໄປເບີ່ງເດີ້ !
https://www.facebook.com/Japan-Foundation-Japanese-Language-Institute-Kansai-国際交流基金関西国際センター-1750707158579516/

Visit the below site and open the index of “JF J-Learning Site and Apps”:
https://minato-jf.jp/
JF Japanese-Language Institute, Kansai has just opened up a Facebook page as below.Check it out!
https://www.facebook.com/Japan-Foundation-Japanese-Language-Institute-Kansai-国際交流基金関西国際センター-1750707158579516/

 


 

 

 

 

ພະນັກງານໃຫມ່ A new staff member has come!

ພະນັກງານໃຫມ່ຂອງສູນອາຊີມູນນິທິຍີ່ປຸ່ນ ຊື່ ທ້າວ ພຸດທະສອນ ຫຼວງສຸພົມ ໄດ້ເລີ່ມເຂົ້າມາເຮັດວຽກໃນມື້ນີ້ ລາວຈະເຂົ້າມາຮັບຜິດຊອບວຽກງານກ່ຽວກັບງານສິລະປະ ແລະ ວັດທະນະທໍາ.

ສະບາຍດີທຸກໆຄົນ ຍິນດີທີ່ໄດ້ຮູ້ຈັກ, ຂ້າພະເຈົ້າຊື່ ພຸດທະສອນ ຫຼື ເອີ້ນຊື່ຫຼີ້ນວ່າ ຕ້ອມ. ສຳລັບການມາຮັບຜິດຊອບໃນໜ້າທີ່ໃໝ່ຄັ້ງນີ້ ຂ້າພະເຈົ້າຮູ້ສຶກດີໃຈຫຼາຍ ທີ່ຈະໄດ້ມາເປັນສ່ວນໜຶ່ງໃນການເຜີຍແຜ່ສິນລະປະ ແລະ ວັດທະນະທຳຍີ່ປຸ່ນ ສູ່ສັງຄົມໃຫ້ໄດ້ຮັບຮູ້. ຫວັງວ່າ ທຸກໆຄົນຈະຊ່ວຍສະໜັບສະໜຸນຂ້າພະເຈົ້າດ້ວຍ. ຂໍຂອບໃຈ

Our new staff member, Mr. Phouthasone Luangsouphom (Tom), has just been employed today! He will be mainly in charge of arts and culture projects.

“Hello everybody! nice to meet you. My name is Phouthasone or you can call me Tom.
From now on I will be  part of Asia Center to work in art and culture. It will be nice if I could get full support from you. Thank you very much”

ເທດສະການຮູບເງົາຍີ່ປຸ່ນຄັ້ງທີ I ໄດ້ສຳເລັດໄປດ້ວຍດີ! ພົບກັນໃຫມ່ປີຫນ້າ!!

ເທດສະການຮູບເງົາຍີ່ປຸ່ນຍັງຈະສືບຕໍ່ຈັດໃນປີຫນ້າ ເຊິ່ງຈະມີຮູບເງົາໃດແດ່ນັ້ນ!
ພວກເຮົາມາຖ້າເບິ່ງນໍາກັນເນາະ!
ທາງສູນອາຊີມູນນິທິຍີ່ປຸ່ນ ຂໍສະແດງຄວາມຂອບໃຈໄປຍັງທຸກທ່ານທີ່ມາເຂົ້າຮ່ວມງານ ແລະ ຊ່ວຍສະໜັບສະໜູນພວກເຮົາ ຈົນເຮັດໃຫ້ເທດສະການຮູບເງົາຍີ່ປຸ່ນຄັ້ງທີ I ທີ່ຈັດຢູ່ວຽງຈັນ ສຳເລັດໄປດ້ວຍດີ
#jfflaos