FY2025

ການແຂ່ງຂັນຮູບເງົາສັ້ນລະດັບພາກພື້ນໃນປະເທດລາວ ຄັ້ງທີ 6 “DigiCon6 ASIA Awards-ASIA’s SUPREME SHORT MOVIE CONTEST”

1. ເປົ້າໝາຍ ແລະ ຈຸດປະສົງ

  ນັບຕັ້ງແຕ່ ປີ 2000 ເປັນຕົ້ນມາ ກຸ່ມບໍລິສັດສື່ສານຂອງປະເທດຍີ່ປຸ່ນ ຊຶ່ງເປັນລະບົບກະຈາຍສຽງຂອງໂຕກຽວ ຫຼືວ່າ TBS ໄດ້ຈັດການແຂ່ງຂັນທີ່ເອີ້ນວ່າ  “DigiCon6 ASIA Awards” ຫຼືວ່າ ການແຂ່ງຂັນຄັດເລືອກຮູບເງົາສັ້ນ ຂື້ນທຸກໆປີ ທີ່ປະເທດຍີ່ປຸ່ນ. ຈຸດປະສົງແມ່ນເພື່ອຊອກຫາລາງວັນຮູບເງົາສັ້ນ, ກະຕຸນສັ້ນທີ່ສ້າງໂດຍຜູ້ມີພອນສະຫວັນ ຈາກບັນດາປະເທດໃນພາກພື້ນເອເຊຍ. ແລະ ປີນີ້ຈະໄດ້ຈັດຂື້ນໃນເດືອນຕຸລາທີ່ນະຄອນໂຕກຽວ ຊຶ່ງເປັນຄັ້ງທີ 27. ລາຍລະອຽດເຂົ້າມາອ່ານທີ່: https://www.tbs.co.jp/digicon/en/

  ກ່ອນການແຂ່ງຂັນທີ່ໂຕກຽວ, ຈະໄດ້ຈັດໃຫ້ມີການແຂ່ງຂັນຂັ້ນເຂດຂື້ນໃນແຕ່ລະປະເທດ ແລະ ພາກພື້ນໃນອາຊີທັງໝົດ 15 ປະເທດ ເຊັ່ນ: ຍີ່ປຸ່ນ, ກຳປູເຈຍ, ຈີນ, ຮົງກົງ, ອິນເດຍ, ອິນໂດເນເຊຍ, ເກົາຫຼີໃຕ້, ມະເລເຊຍ, ສິງກະໂປ, ສີລັງກາ, ໃຕ້ຫວັນ, ໄທ, ມົງໂກນ, ອີຣານ, ແລະ ປະເທດລາວ.
  ຄັ້ງນີ້ຈະເປັນຄັ້ງທີ 15 ສຳລັບປະເທດລາວທີ່ຈະສົ່ງຜົນງານເຂົ້າຮ່ວມແຂ່ງຂັນ ຊຶ່ງມູນນິທິຍີ່ປຸ່ນຈະເປັນຜູ້ຈັດງານການແຂ່ງຂັນດັ່ງກ່າວຄືທີ່ຜ່ານມາ.

  ລາງວັນທອງຄຳ ພ້ອມທັງລາງວັນສິນລະປະດີທີ່ສຸດ ແລະ ເນື້ອຫາດີທີ່ສຸດ ຂັ້ນພາກພຶ້ນ ຈະໄດ້ຖືກສົ່ງໄປແຂ່ງຂັນຄັດເລືອກ ທີ່ປະເທດຍີ່ປຸ່ນ. ຖ້າຫາກລາງວັນໃດໜຶ່ງ ໄດ້ຮັບລາງວັນໃນລະດັບສາກົນ, ເຈົ້າຂອງລາງວັນ (ຕາງໜ້າ 1 ຄົນ) ກໍ່ຈະຖືກເຊີນໄປຮ່ວມງານມອບລາງວັນທີ່ປະເທດຍີ່ປຸ່ນ

   2. ລາຍລະອຽດຂອງການແຂ່ງຂັນຂັ້ນພາກພື້ນຄັ້ງທີ 6 ໃນນະຄອນຫຼວງວຽງຈັນ

        (1)   ຮູບແບບຂອງຮູບເງົາສັ້ນທີ່ຈະສົ່ງເຂົ້າມາແຂ່ງຂັນ

          a. ບໍ່ຈຳກັດຫົວຂໍ້

          b. ຄວາມຍາວຂອງຄລິບບໍ່ກາຍ 15 ນາທີ

          c. ວິດີໂອຈະລວມມີ ກະຕຸນ CG (2D/3D), ອະນິເມຊັ້ນ ຮູບປັ້ນ, ຖ່າຍ

ພາບ ແລ້ວມາຕັດຕໍ່ກັນ ແລະ ການຖ່າຍທຳວິດີໂອຈິງ…  

          d. ຊະນິດຂອງໄຟຣ໌ ແມ່ນເປັນMP4 ຫຼື MOV (ລະດັບຄຸນນະພາບ FHD 1920 x 1080)

          e. ທຸກເລື່ອງຖ້າສົນທະນາເປັນພາສາລາວ ກະລຸນາໃສ່ຄໍາບັນຍາຍເປັນອັງກິດ.

           f. ກະລຸນາກວດສອບລິກຂະສິກໃນການນໍາໃຊ້ພາບ ຫຼື ສຽງ ປະກອບໃສ່ໃນວິດີໂອ ໂດຍໄດ້ຮັບອະນຸຍາດຖືກຕ້ອງໃນການນຳໃຊ້. ຖ້າຫາກກວດພົບວ່າມີການນຳໃຊ້ບໍ່ຖືກຕ້ອງຈະຖືວ່າສະລະສິດ.

           g. ເລື່ອງທີ່ເຄີຍສົ່ງເຂົ້າແຂ່ງໃນງານອື່ນໆ ໂດຍທີ່ບໍ່ເຄີຍຮັບລາງວັນມາກ່ອນ ກໍ່ສາມາດສົ່ງເຂົ້າມາແຂ່ງຂັນໄດ້

            ໝາຍເຫດ: ວິດີໂອທີ່ຜະລິດອອກບໍ່ໃຫ້ແຕະຕ້ອງເຖິງເລື່ອງການເມືອງ ແລະ ໃຫ້ມີເນື້ອໃນທີ່ ເໝາະສົມກັບເຍົາວະຊົນ–ຊາວໜຸ່ມ ຫຼື ໃຫ້ແທດເໝາະກັບໃນສັງຄົມ.

          (2) ເງື່ອນໄຂຜູ້ສະໝັກ

             ຕ້ອງເປັນຄົນລາວ ແລະ ດຳລົງຊີວິດໃນປະເທດລາວ

          (3) ວິທີການຂໍສະໝັກເຂົ້າແຂ່ງຂັນ

     ກະລຸນາດາວໂຫຼດຟອມສະໝັກທີ່:

https://drive.google.com/file/d/18OuAM3x8YZBgRapqDcUPOvu1IiQc4vWd/view?usp=sharing             

ສຳລັບໃຜທີ່ບໍ່ເຂົ້າໃຈພາສາອັງກິດໃຫ້ດາວໂຫລດຟອມ

             ຕົວຢ່າງທີ່ແປເປັນພາສາລາວຈາກນີ້: 

                 https://shorturl.at/jACP7      

              ຫຼັງຈາກທີ່ຕື່ມຂໍ້ມູນຄົບຖ້ວນແລ້ວກະລຸນາສົ່ງມາທີ່

                  [email protected]

        (4) ກຳນົດສົ່ງຮູບເງົາສັ້ນ

           a. ປິດຮັບສະໝັກວັນທີ 25/07/2025 (ທ່ານສາມາດສົ່ງໄດ້ກ່ອນມື້ປິດຮັບສະໝັກກໍ່ໄດ້)

           b. ນຳໃຊ້ Google Drive ເພື່ອສົ່ງຄລິບໃຫ້ ສູນອາຊີ ມູນນິທິຍີ່ປຸ່ນ([email protected])

• ລາງວັນຜູ້ຊະນະເລີດແຕ່ລະລະດັບ

           ລາງວັນຊະນະເລີດຫຼຽນຄຳ: ຈະໄດ້ຮັບເງິນສົດ 8,000,000 ກີບ

            ລາງວັນສິນລະປະດີເດັ່ນ: ຈະໄດ້ຮັບເງິນສົດ 4,500,000 ກີບ

            ລາງວັນບົດເລື່ອງດີເດັ່ນ: ຈະໄດ້ຮັບເງິນສົດ  4,500,000 ກີບ

            ລາງວັນຜົນໂຫວດດີເດັ່ນ: ຈະໄດ້ຮັບຂອງລາງວັນເປັນວັດຖຸ (ມູນຄ່າ 2,000,000 ກີບ)

           # ໃນນີ້ມີພຽງແຕ່ 3 ຜົນງານຄື: ລາງວັນທອງຄຳ, ລາງວັນສິນລະປະດີທີ່ສຸດ ແລະ ລາງວັນເນື້ອຫາດີທີ່ສຸດ

              ເທົ່ານັ້ນຈະຖືກສົ່ງຕໍ່ໄປແຂ່ງຂັນທີ່ງານ Digicon6 ASIA Award ທີ່ປະເທດຍີ່ປຸ່ນ.

       3. ຂໍ້ມູນຂອງຜູ້ຈັດງານຄັ້ງນີ້:

           ມູນນິທິຍີ່ປຸ່ນ ປະຈຳນະຄອນຫຼວງ

          ຜູ້ຮັບຜິດຊອບງານ: ທ່ານ. ພຸດທະສອນ (ຕ້ອມ) 

          (ໂທ ຫຼື ວອດແອັບ: 020-5560-6620)

          ອີເມວ: [email protected]

       4. ສຳລັບຂໍ້ມູນເພີ່ມເຕີມໃນການແຂ່ງຂັນຮູບເງົາສັ້ນລະດັບພາກພື້ນໃນປະເທດລາວ, ກະລຸນາເຂົ້າໄປອ່ານທີ່:

          ເຟັສບຸກ: www.facebook.com/jfacvt/

          ເວັບໄຊ້: www.jfacvt.la